Utladalen Naturhus ligg på det gamle gardsbruket Skåri.
I 1996 starta arbeidet med å restaurere det gamle kulturlandskapet i Utladalen. Naturhuset vart åpna i mai 1998, og blir drive av Stiftinga Utladalen Naturhus.
Føremålet med stiftinga er å formidla natur- og kulturhistoria i Utladalen og Vest-Jotunheimen. Denne formidlinga skjer mellom anna gjennom ivaretakelse av kulturlandskapet, naturvegleiing og ein utstilling inne i Naturhuset.
Sommaren 2023
Sommaren 2023 fanga på film av Rebekka Sundøy Haldorsen.
Skjøtsel av kulturlandskapet i Utladalen
Naturhuset utfører skjøtsels- og tilretteleggingstiltak i Utladalen landskapsvernområde: Slått, tilsyn med beitedyr, styving av tre og vedlikehald av stiar.
Naturvegleiing og undervisning
Naturhuset tilbyr formidling knytt til natur- og kulturhistoria i Utladalen og Vest-Jotunheimen. Vi arrangerer sommarskule, kurs og arrangement.
Utstilling
I Naturhuset finst ei utstilling om natur- og kulturhistoria i Vest-Jotunheimen. Det restaurerte, gamle uthuset brukast òg til undervisning og arrangement.
Skåri
Drifta på gardsbruket Skåri opphøyrte fyrst på 1970-talet. Kulturlandskapet på Skåri er spor etter sjølvbergingsjordbruket. Utladalen Naturhus ligg her, og består av stovehuset og uthuset på garden.
Vormeli
Vormeli, eller “Utladalsholet” høyrer til Luster. Vormeli var truleg den mest avsidesliggande garden i landet. Utladalen Naturhus administrerer i dag vedlikehald av bygning, overnattingstilbod og skjøtsel av kulturlandskapet.
Vormelis Venner restaurerte eitt av sela på 70-talet og hadde sidan ansvaret for oppfølging fram til 2014.
Sesongarbeid i Utladalen
Kvart år tek Utladalen Naturhus imot sesongarbeidarar som bidrar i den daglege drifta gjennom sommarsesong.
