Resultata i denne resipientgranskinga viser at utsleppa etter primærreinsing frå renseanlegga i Norheimsund og Øystese med all sannsynlighet har ingen skadeverknad  på miljøet og resipient kan karakteriserast som mindre følsom.

Det var ingen tydelege teikn på forureining av strandsona, men strandsona i Øystese virket generelt friskare og mindre tilgrodd av martaum (Chorda filum) og påvekstalger. Dette kan indikere at strandsona i Norheimsund opplever forureining i form av overgjødsling, og området bør derfor haldast under oppsikt. Funna i denne granskinga samsvarar med funn frå tidligare granskingar. Det blei ikkje observert tydelige teikn på forureining av nærsona i Øystese eller Norheimsund ved den kvantitative og semikvantitative strandsonekartlegginga.

Miljøtilstanden ved vasskvalitetsmålingane blir vurdert etter KLIF veilederen Klassifisering av miljøkvalitet i fjorder og kystfarvann 97:03. Vasskvalitetsmålingane viser at miljøtilstanden er meget god (miljøtilstand I) ved omtrent alle næringgssaltmålingane i overflatelaget (5 meters djup) ved prøvestasjonane i nærsona, overgangssona og fjernsona i både Norheimsund og Øystese. Miljøtilstanden av næringssalt i nærsona viser og tilsvarande verdiar med miljøtilstanden av næringssalt i både overganssona og fjernsona ved alle prøvetakingsdjup. Siktdjup målingane tilhøyrte alle miljøtilstand meget god eller god med kun eit unntak. Siktdjupet var og tilnærma likt i nærsona, overgangssona og fjernsona i både Norheimsund og Øystese ved kvar måling. Oksygenkonsentrasjonen i botnlaget i både Norheimsund og Øystese var over 6 mg/l ved alle målingane. Oksygenkonsentrasjon over 4,5 mg/l tilsvarar miljøtilstand meget god. Resultata av vasskvalitetsmålingane tyder på at utsleppa av næringgsalt frå avløpsanlegga i Norheimsund og Øystese har ingen skadeverknadar på miljøet.

Miljøtilstanden av botndyr var meget god til god i overgangssona og fjernsona i både Norheimsund og Øystese. Ved nærsona i Norheimsund blei det påvist miljøtilstand meget dårlig (miljøtilstand V). I prøvane frå nærsona i Norheimsund blei det påvist mykje organisk materiale, kvister og frø. Dette var årsak til den påviste dårlige miljøtilstanden i prøvane frå nærsona i Norheimsund. Desse prøvane blei og sendt inn til botanisk spesialist Thyra Solem, botanikar ved Vitenskapsmuseet på NTNU i Trondheim for vidare analyse. Ho konstaterte at prøvane bestod av ein mengde frøkapsler, trulig latrinemateriale. Ved nærsona i Øystese blei det påvist miljøtilstand god. Den samla botndyr tilstand i både Norheimsund og Øystese blir derfor vurdert til miljøtilstand god. Miljøtilstanden ved dei mindre avløpsanlegga (B1 til B6) blir alle vurdert til miljøtilstand meget god.

Det blei påvist enkelte tungmetall og TBT over miljøtilstand god i nærsona og overgangssona utanfor avløpet i Norheimsund. Det blei ikkje påvist PAH eller PCB ved nokon av prøvestasjonane i Norheimsund og Øystese. Ved Bakkasundet i Strandebarm blei det påvist PAH tilsvarande miljøtilstand dårlig.

Ved Skipadalen kan det bli aktuelt å bygge eit framtidig felles reinseanlegg for Norheimsund og Øystese. Berekningane viser at innlagringsdjupet på sommarstid også her vil ligg på ca 5 meters djup. Ved straumstille og stor vassføring kan avløpsvatnet også ved Skipadalen nå opp til overflata. Spesielt på vinterstid når sjøvatnet har størst tettleik er det fare for igjennom slag av avløpsvatn til overflata. Straummålingane viser at overflatestraumen går i retning nord og den dominerande spreiing og botnstraumen går i retning aust. Ein nordgåande straum er ikkje gunstig då avløpsvatnet kan samle seg opp i strandsona inne ved Skipadalen. Resipientanalyse vil anbefale at ein utføre eit meir omfattande straummålingsprogram med både vinter og sommar målingar før ein går vidare med eventuelle bygge planar for eit nytt reinseanlegg i området.