|
Idyllisk
overnatting med historisk sus
 Nestunet
er tildelt Norsk Kulturarv sitt kvalitetsmerke "Olavsrosa".
Merket visar veg til eit eineståande produkt rotfesta
i den norske kulturarven. Kvalitetsmerket vert tildelt etter
streng vurdering som legg vekt på produktet sin kulturhistoriske
verdi, korleis denne er teke vare på, og korleis produktet
er gjort tilgjengeleg for publikum.
Anne-Karin og Kåre driv no garden i 11 generasjon.Opprinneleg
var det 18 hus på tunet, men under omleggingane i jordbruket
før fyrste verdkrig, vart mange av bygningane overflødige.
4 av dei opprinnelege husa vart flytta til Norsk Folkemuseum
på Bygdøy i Oslo, og utgjer i dag det som vert
kalla Vestlandstunet der.
 Av
dagens bygningar er "Idneståvå" juvelen.
Huset vart bygd i lafta tømmer i såkalla empirestil
i 1863. Det stod opprinneleg for fall inne i Mundheim sentrum,
men vart berga av Kåre Nes og møysommeleg tatt
frå kvarandre og førd opp igjen på Nestunet
i sin opprinnelege form. Huset har i dag fått isolasjon
og moderne fasilitetar i kjøken og bad, utan at det opprinnelege
preget er gått tapt.
Rivnings- og byggearbeida er utførde av dyktige fagfolk
og under kyndig oppsyn og assistanse av fylkeskonservatoren.
Målet har vore å skapa eit levande tun som er ei
blanding av tradisjon og landbruk i utvikling.
I den vesle "Strandsitjarstova" på 2x2 m, budde
frå 1863 til 1880 ei enkje med 2 born.
Hytta frå 1700 talet er 30 m2, og inneheld kombinert kjøken/stova,
bad m/dusj og hems med soveplassar til 4.
Løa frå 1900 har eit tilbygg som kan nyttast som
utestove og grillstad med plass for opp til 50 personar.
|
|
|
