4.
mai 2010
Mannskap
Freddy
Silden, Karin Silden, Arve Nybakk, Ann Mabel Nybakk, Tor Kråkenes,
Audun Nybakk, Arvid Haug, Per-Kåre Nybakk, Willy Berg, John-Arne
Nybakk, Marius Nybakk, Alf Sjåstad
Det
er planlagt at NYBAKK sleppe springen 5. mai 2010 i Barstadvika,
ca. kl. 18.00.
05. mai 2010
Vi er 2 kare
med store forventninger som forlet Florø litt over klokka
16.00 i dag. No skal vi strake leida opp til Måløy
for å gå om bord i NYBAKK. Der er kjenningar å
sjå på Kystvegxpressen og alle omtrent veit kva ærend
vi karane er i.
Då vi
steig i land såg vi NYBAKK ligge klar borte med Tennebø,
akkurat som i gamle dagar. Vi vart plukka opp av mamma i lag med
alt pøet vårt og køyrd like til rekka. På
Tennebø-kaia var der eit kokande liv. Utførselen var
levert og var iferd med å bli stua i rommet.
Det var bare
å hive pøet på lugaren og komme seg i gong. Overflødige
tamper på dekk vart stua under shelterdekket. Fendere vart
surra og det same vart landgangen. Vi begynte so smått å
bli sjøklar og no venta vi bare på ein ting. Vi skulle
ta med autoline til MS NESBAKK som ligg rett sørfor Statfjord
i godt fiskeri. Denne var no på veg gjennom gate 1 og når
bilen ankom kaia var den buksert om bord i ei viss fart. Linekveilane
vart plassert i vevde plastsekker og plassert på shelterdekk.
Klokka hadde
passert 18.30 då Freddy manøvrerte oss greitt frå
kai og kursa ut Måløystraumen. Då han stramma
opp før vi var komne gjennom løpet, merka vi fort
at maskina sparka frå på ein meir gjennkjennande måte.
Krafta var til å ta og føle på og vi såg
på hekkbåra at båten var blitt den gode gamle
virile igjen. Før vi no var ferdige med Vågsfjorden
hadde alle prøvd på seg overlevingsdraktene før
desse vart stua vekk i dekkskassa på babord side av galgedekk.
Og i det vi passerte Klovningen vart vaktene gjennomgått då
vi hadde samling bak i kastebingen. Her var no alle tilstades og
alt av stort og smått å gå gjennom vart ordna
her, t.d. kva av brytarar ein ikkje skulle røre osv. Håper
at alle fekk med seg dette ;)
Vermeldinga
for natta skal vere laber bris, men no når klokka 23.30 er
sjøen sopass grov at vi rekne med at det bles meir enn laber
bris. Vi har hatt eit bra måltid mat og Marius har fått
seg ein tablett attåt. Litt bleik om nebbet har vi sete bak
i hekken ein liten time, men no er fargen komt igjen ifjeset og
vi reknar med at det verste er over no. Meininga er at vi skal møte
MS NESBAKK litt sør for Statfjordfeltet rundt kl. 06 imorgon
tidleg. Vi skal der få buksert sekkane med autoline over til
dei. Deretter skal NYBAKK kurse endå meir rett vest mot Shetland.
Etter vermeldinga skal vinden stilne heilt av fram mot 06.00 for
deretter å dreie litt nordleg. Og nordleg vil han vere resten
av vegen over.
06. mai 2010
Det vart ei litt uroleg natt for dei fleste av oss. Fleire tok difor
livd i messa for starten på natta. Når det byrja lysne
ga vinden seg og det vart mykje meir livd i ei køy framme
i forpiggen også. Eg låg i kahytten bak åleine.
Marius tok livd i messa så lengje.
Eg vakna til
litt fram mot 04. Rekna med at vi då skulle nærme oss
Statfjord så det var bare å komme seg over dekk. Freddy
og Arve hadde vakta no og Karin var der og. Det var enno litt dårleg
lys for fotografering. Dagslyset kom etterkvart . Det var ei fryd
å sjekke loggen og sjå at vi holdt godt over 9 knop
i veret som var. Då veret stod på som verst tidleg på
natta, hadde farta vore nede på vel 8.
Då vi
passerte Statfjord C, klarte vi å skimte MS NESBAKK ein god
del sør for oss. Dei var no i ferd med å kaste ein
stubb og kursa omtrent rett nordover mot oss.
Rundt oss er
det faktisk eit yrande fugleliv å sjå. Havhest kretser
rundt båten i godt driv. Godt og vel bare centimetere over
bølgetoppane. Ei og anna havsule ser ein og, men desse raske
fuglane er ikkje gode å fange med kamera so tidleg på
morgonen.
Rundt klokka
07 var vi begynt å nærme oss NESBAKK. Tida for Møte
i Rom Sjø var der snart og plutseleg såg vi at dei
slepte bøya på stubben dei hadde sett. Freddy tørna
rundt for å få vinden inn frå babord og første
blåsa og opphalertau gjekk over bord. Per Kåre var no
komen på brua og han stod og manøvrerte etter instruks
frå Freddy. Vi bakka no forsiktig akterover medan vi slepte
ut tau og blåser og sekker med autoline som no rak rett mot
dragelukene til NESBAKK. NESBAKK fekk så tak i enden og begynte
hale inn vegna si som NYBAKK hadde teke med frå Måløy.
NESBAKK er frå
Ålesund og er ein stor og moderne linebåt, akkurat slik
NYBAKK var det i 1961. NESBAKK er 45 meter lang og 11 meter breid.
2 shelterdekk gjer til at dei kan ha vegn for både garn og
line om bord samtidig. No ligg dei her og fiskar lange og torsk,
rett sør for dei mest produktive oljefelta som Norge vinn
ut. Tampen har alltid vore rikt både som fiskefelt og oljefelt.
Kanskje er ressursutnyttinga her noko som også må brukast
i Lofoten om ikkje mange åra.
Overleveringa
av vegn var gjort på under eit kvarter. Vi fekk klare beskjeder
frå NESBAKK om at NYBAKK var eit strålande syn i morgonsola
og med lykkeønskingar til kvarandre gjekk vi frå kvarandre
rundt 7.30.
NYBAKK er komt
over halveis til Lerwick og det ser ut som om vi når fish&chips
sjappa i Lerwick utan problem. Eg gjekk bak i kahytten for å
fullføre nattas blogg, mens frukosten vart klar. Ei vel gjennomtenkt
baconlukt kjennes no heilt bak hit så eg tenkje eg tek ei
pause frå skrivinga så lengje. PS! Når det gjeld
kjølinga på Callesen maskina, går det meir og
meir opp for meg at nokon har gjort ein Nobelpris-verdig jobb for
å få dette til ja.
Klokka er no
14 og der er berekna 5 timar att til Lerwick. (Kjapp hauderekning
ut frå kartmaskina
..) Vi går framleis med over
9 knop på snitt og har sjø inn frå styrbord dvs.
frå nord. NYBAKK rulle solid og eg kan høyre at propellen
under meg er borti og sler tørt ved dei største dønningane.
Alt er normalt om bord. Per Kåre er i full gang med middag
i byssa. Oppe i rorhuset held Tor og Audun på å ordne
litt på tyfonen slik at vi får god lyd i den når
vi ankjem Lerwick. Frivaktene er ikkje mykje å sjå til
så dei har sikkert ryggkvil. Marius, yngstemann, har fått
i seg litt salt som han kaller det, og i tillegg hadde faren smurt
nokre store blingser groveskjeve med fårepølse og teke
bak i kahytten. Guten er i kjempeform og det er bra. No kjem endeleg
dvd-platene til god nytte framme i messa. (Og ikkje hadde eg før
pakka vekk edb-apparatet før eg høyrde at turtallet
vart drastisk redusert. Kokken hadde då brukt utestemma opp
leidaren for å få arbeidsforhold slik at middagen skulle
bli ferdig. Og ein kokk med utestemme er vi opplært til å
høyre på, elles hiv han salt i kremen..............
;)
Det vart faktisk
stoppa heilt av, dvs. Freddy la oss på bakking mot veret mens
Per Kåre fekk gjere ferdig middag. Om middagen må nevnast
meir, må det vere med at det Audun som har røykt torsken
heime i hagen. Og mens NYBAKK låg og bakka saaaaaakte tilbake
mot Norge vart middagen fortært, messa vart rydda og alt vart
vaska opp.
Deretter fekk
alle beskjed om å surre seg godt faste for no vart det strake
vegen i 9,6 knop mot Bress-øyna og Lerwick.
Litt over 18.00
norsk tid byrja vi å sjå tydeleg land. Vi hadde no båre
og vind inn frå styrbord bak så det var tydeleg slingring.
Det hadde derimot ikkje vore nødvendig å surre seg
fast for det var egentlig godt ver å gå medvinds inn.
Rett over klokka
20 tørna vi rundt inne på hamna og vi fekk gjort båten
fast ved Victoria Pier utan vidare utfordringar. På kaia stod
der ein god gjeng og tok i mot oss og hjelpte til med å gjere
fast.
Av dei var også
Knut Henning Grepstad som skal vere Fylkeskommuna sin representant
under markering på laurdag. Knut Henning var rask i vendinga
og absolutt eit emne til å ta i mot springen ved andre høve
også. Cathy ga oss varme klemmar og vi følte at vi
kjenning med alle på kort tid. Vi må også ta med
at der var fleire Måløyjenter og spesiell ei visste
enorm glede då ho så sin far Lars Terje Gotteberg ombord.
Ho skulle bare hente litt nystekte lefser frå Måløy,
men var ikkje klar at faren skulle kome med dei personleg. No er
eg ikkje fastbuande i StorMÅLØY lenger, men eg hadde
ein følelse at dei vakraste måløy-jentene no
bur i Lerwick altså.
Båten
rann full av både nordmenn og shetlendara og det vart ei veldig
uformell mottaking i messa. Og slik blir det ofte der det dukke
opp stadsara som tek med seg hr. Braastad. No stakk dei som skulle
sove andre stader på land med avtale om at vi skulle møtes.
Etter litt oppløyste vi selskapet utan å vere uhøflege.
Vi gjekk på fish&chips restaurant. Det vart eit fantastisk
måltid, må vere det beste av fish&chips eg har ete.
Framme i baugen
kan ein sjå at styrbord anker er banka laust av sjøen
over. Litt småfriske har han nok vore ja.
07. mai 2010
Raske, men fine var vi når sola slo inn koauget. Vi vakna
til ein strålande dag i Lerwick. Antakeleg var veret so bra
at våre forgjengara som var innom Lerwick ikkje hadde hatt
høve til å vere her, fordi dei hadde viktigare ting
fore i rom sjø.
I dag hadde
vi på ein måte nesten fri, men noken har aldri fri.
Det vil eg bare bemerke. Per Kåre hadde fullt køyr
med begge hendå, både offisielt og uoffisielt. Egg og
Bacon til frukost og klubb til middag er jo nesten til overmål.
For øvrig er det ikkje kvar dag vi ser franske tauser frå
Normandie ete klubb for første gang i sitt liv. Det har vi
no gjort i dag då; sjeldent syn som nesten burde vore nevnt
i Michelin-guiden for 2011.
Men vi åt
ikkje kraftkost heile dagen då. Knut Henning, Alf, Marius
og meg sjølv har vore på omvisning på Shetland
Museum. Musèet vart opna i 2007 av HKH Dronning Sonja. Omvisninga
i dag var imponerande. Her fekk vi sjå alt frå byggesett
av seksringar som vart førte til Shetland på 1700 frå
Norge til bilar som shetlendere som hadde vore på kvalfangst
i sørishavet på norske fartøy, hadde kjøpt
seg for luten sin. Cathy Hallet sto for omvisninga og den føregjekk
99% på norsk og med god hjelp frå norsk vokalubar som
vi bidrog med. Ein ting som var nytt for oss, var at det faktisk
hadde vore ein stamme med villsvin på øyane. Det shetlandske
ordet for villsvin er GRES, som egentleg likne på GRIS ikkje
sant ?? Knut Henning Grepstad var som nevnt også med på
denne omvisninga og det såg ut som han naut det like mykje
som eg. Denne hjertevarme karen frå indre sogen viste store
kvaliteter innan historie som er absolutt å misunne. Det er
ikkje bare grundige valvaker denne guten er god på nei. I
tillegg er han og veldig god på botn.
På kveldinga
vart det eit heilt uformelt klubbe-taffel framme på luka.
Her var det ein sunn og god blande av shetlendara og nordmenn og
praten gjekk storveges. Cathy var her, Ian var her, Anita var her
og ho franske fotografen Nat. Eg for min del hadde Knut Henning
ved sida. Eit kraftig og godt måltid for sanne gode vener.
Betre kunne det ikkje bli. For sikkerhets skuld så vart det
litt show med ein lysmotor, men det parerte Audun på strak
arm. Knut Henning heidra NYBAKK med å overrekke Sogn og Fjordane
sitt fylkesvåpen til Per Kåre. Det var ei nesten rørande
stund for oss bak i kastebingen for dette var stort for oss. Dette
var omtrent det einaste formelle vi hadde i fore i dag. Ian fekk
overlevert si gåve frå Per Kåre; ostehøvel
med rifler og 1,5 kg av forskjellige brunoster. Aldri hadde vi sett
nokon gle seg slik over brunost før.
Deretter løyste
selskapet seg opp utan vidare seremoni. Vi hadde litt forskjellig
frossen mat som måtte ut av frysen for mottakelsen i morgen.
Enkelte tok seg ein nightcap eller to, men alle var tidleg i køy.
I morgen kjem KV Ålesund til kai og vi skal markere 65 års
dagen for frigjeringa av Norge og Europa. Vi var absolutt spente
ja .
8. mai 2010
Eg syns eg var tidleg oppe men der sat ein på rama då
eg kom der i god fart. Det gjorde ikkje noke det for eg sette bare
på kaffien i ventetida.
I dag var dagen
for heile toktet vårt. Per Kåre var nesten som ein krunhjort
frå morningen, dvs. etter at eg klarte å lokke han fram
på dørken 2. gong eg vekte han. Her var det klare beskjeder;
mat må de vel klare å skjære og ete sjølv.
Jo klart gjorde vi det. Nei han var ikkje heilt likt seg og antakelegvis
var det ansvaret for det som skulle skje.
KV ÅLESUND
hadd ankomme på morgonen og låg no på andre sida
av Victoria Pier. I motsetning til oss hadde dei hatt flatt golv
over Nordsjøen, men antakelegvis er dette eit relativt begrep
alt etter kva båt ein dreg med.
Presis 10.40
gjekk bussen frå Lerwick til Scalloway. Den var fylt opp av
crew frå NYBAKK og crew og offiserer frå KV ÅLESUND.
Då vi kom ned bakkane mot Scalloway organiserte Derick Herning
frå Shetland Norway Friendship Society ein kort fotosession
slik at vi fekk fotografere Scalloway og Scalloway Castle litt ovanfrå.
Kledeleg nok
kom det nokre regndråpar på oss akkurat då.
Nede i Scalloway
ved bautaen for the Shetlandbus leda Peter Campbell , Secretary
for Shetland Vaagsøy Twinning Assosiation og med i The Swan
Thrust, den høgtidelege seremonien. Her stod Æresvakta
frå KV ÅLESUND klar då vi ankom.
Derick Herning
og Jack Burges held korte apeller om mannskapet på the Shetland
Bus og det at det faktisk var bare nokre få i Scalloway som
viste om denne trafikken er jo heilt utruleg for oss. Skipssjef
på KV ÅLESUND , Ståle Vorland talte og la ned
krans.
Peter Campbell
sa i si tale at dette nok var første gongen at det hadde
vore feira frigjeringa av Norge på Shetland. Jack Burgess
er forøvrig frå Shetland Bus Friendship Society. 44
norske menn frå denne avdelinga omkom under krigen. Bl.a.
er forliset av BLIA ganske kjend, då denne aldri vart funn
spor etter , etter at den forliste i storm.
Etter seremonien vart vi frakta tilbake til Lerwick og til krigsmonumentet
ved Town Hall. Også her vart seremonien leda av Peter Campbell.
Her talte også Sandy Cluness og Knut Henning Grepstad frå
Sogn og Fjordan Fylkeskommune. Her stod også menige og offiserer
frå KV ÅLESUND med skipssjef Ståle Vorland i spissen,
æresvakt ved kransenedlegginga. BrassMusikk, både engelske
og kjære norske som Gammel Jegermarsj, Norge i Rødt
Kvitt og Blått i tillegg til nasjonalsangane, stod Lerwick
Brass Band for.
Vi må
også nevne at marinen i tillegg hadde hadde 2 MTB flotiljer
i Lerwick, der bl.a. MTB 345 vart oppdaga og tekne av tyskerane.
Mannskapet her vart henretta på Ulven etter direkte ordre
frå Hitler. Andre norske avdelinger må heller ikkje
gløymast. På Sollum Voe var der skvadroner med norske
flybåter som dreiv med ubåtsøk og patruljering
rundt konvoier i nord Atlanteren og konvoiane som gjekk til Murmansk.
Her også hadde dei norske avdelingane store tap.
Etter seremonien
ved Town Hall arrangerte Derick Herning ei omvisning inne i Town
Hall. Her kunne vi sjå gamle norske konger rundt år
1000 i blyglass. (hmmmm! Ikkje veldig mykje slikt å sjå
i Norge du
..)
Etter seremonier
vart alle invitert om bord i KV ÅLESUND med ein høgtideleg
mottaking på brua. Her vart det utveksla gåver og regalier.
Bl.a. fekk NYBAKK våpenskjoldet til KV ÅLESUND. Vi gav
vidare bilde av NYBAKK til KV ÅLESUND og same bildet gav vi
også til Sogn og Fjordane Fylkeskommune.
Etter mottakinga
vart det servert tradisjonsrik norsk mat i messa til KV ÅLESUND.
Kort og godt
har det vore ein skikkeleg verdig dag for mannskapet på NYBAKK.
Dette vart større enn vi nesten kunne håpe på.
Når eg
rusla tilbake til båten etter dagens pes tenkte eg som så
: I år blir det faktisk feiring av 17. mai 2 gonger
(sidene blir justert litt i løpet av dei næraste dagane
pga. avgang Lerwick.......) følg med
Ut på
kvelden og etter mottakelsen på ÅLESUND hadde vi ope
skip på NYBAKK. Her kom då fleire av shetlendarane som
hadde vore med på arrangementa tidlegare på dag. Arve
Idar Utnes og systra hans Laila var også med om bord. Cathy
hadde med seg sin Nigel og han hadde med seg fela si. Bak i kastebingen
vart songen til NYBAKK igjen framført av denne felevirtousen.
Som sikkert
ikkje alle veit, så vann Nigel ein stor pris for finaste melody
i ein folkemusikk-konkurranse veka før her. Her var også
offiserer og menige frå ÅLESUND om bord og såg
på den flotte båten vår. Filmen var køyrd
på den nye 42" framme på dekk.
Klokka er så vidt 23. då vi slepp våre gjester
i land for siste gong. Cathy Hallet, Anita Orheim og Knut Henning
Grepstad tek farvel med oss frå Victoria Pier. Vi ynskje alle
på snarleg gjensyn nokre månader fram. Freddy gearer
NYBAKK rundt piren og kurser sørover mot Bressay Light House
og ut i open sjø.
Sjøen
går roleg og det ser ut som om vi får en fin start på
natta i allefall. Marius har fått i seg ein siste porsjon
med chips og har liksom ikkje lyst å krype til køys
med ein gong. Han har mest lyst til å gjere engelsk lekse
no, men når det går over midnatt syns eg at det er køye-tid
i allefall.
09.05.2010
Eg tørne
fram litt over 06.00. Det er adskilleg meir liv i båten no
og eg går rett i rorhuset.
Her sit nokre
som syns det er greitt å sitte her og sove. Audun og Arve
har vakt, Audun styrevakt og Arve utkikk og maskinvakt.
Temperaturen
på varmaste blokk er 70 grader og det er heilt normalt. NYBAKK
stampe seg austover med vel 7,8 knop so det er tydeleg at vi har
litt som står mot oss. Det er meldt laber bris og det ser
ikkje ut som om det er meir heller. Sjøen som er antakelegvis
straumsjø som basker seg opp av og til. Det er enno nokre
timar til norsk side av Nordsjøen, men syns vi ser noko merkeleg
i horisonten. Er det ei plattform eller ein båt som vi ser
tru ? Etter kartet skal det ikkje vere noko plattform så eit
eller anna fartøy er det.
So går
det opp for oss at det må vere ei seglskute som kjem mot oss
med duk på dei lavaste ræra. Dei to øverste ræra
ber ikkje segl. Arvid som også er komen til i rorhuset fortel
at det nok er Statsraad Lehmkul som er på veg til Færøyane.
Passasjen i rom sjø vert behørig filma.
Etter dette
tok vi mot til oss til å koke kaffi og stelle til frukost.
Sjøen er sopass grov at vi dekke grovt på messebenken
kvar for seg og tek maten med inn messa ferdigsmurt. Dette gjekk
greitt det, men eg måtte vere særs obs. på at
kaffitrekkinga ikkje gjekk for fort slik at filteret fekk for mykje
vatn. Då vart det nemlig overskumpling. Per Kåre får
dermed sove fritt denne solfylte søndagsmorgonen, snart midt
i Nordsjøen.
5-6 timar seinare
er vi i norsk farvatn igjen og vi er begynt å nærme
oss Gullfaks-feltet og lenger nord kan vi og skimte Statfjord. Freddy
har vore i kontakt med trafikksenteret på Sandsli og fått
tillatelse til å føre NYBAKK inn mellom plattformene.
Det blir litt
spennande det her og til og med Alf blir kalla opp i rorhuset for
å få med seg det som skjer. Han har allereie klaga over
å ikkje fått med seg verken linekasting til NESBAKK
på torsdag og passeringa av Statsraaden tidlegare i dag. Det
er nokre store kolosser som står og pumper olje-pengar inn
i statskassa vår . Akkurat då vi passerer den lengst
vestlege platforma lander det eit helikopter på helidekket.
Det var antakeleg bare ein mann som vart sett av for dei letta omtrent
med ein gong att og fortsatte til neste plattform der det vart ståande.
Etter dette
går eg og Marius bak i kahytten og ser på film. Det
er god bevegelse i båten igjen og vi lyt halde oss godt fast
og då kan vi likegodt sjå på film for å
få tida til å gå.
18.30 banke
det på lugardøra. Det er Per Kåre som melde om
ferdig middag. Det er heilsteikt laks som vi må ete for full
maskin. Alt må derfor igjen skje veldig forsiktig og panner
og slikt er bolta fast i bysa. Det er totalt umogleg å ha
panner og slikt på borda i messa i allefall. Her må
en ha ei hand for skipet og ei hand for tallerkenen som Arvid seier.
Nydeleg god mat, som vanleg, og heller ingen sjokoladepudding. No
rekne vi bare med en fem timars gang før vi skal ligge ved
kai på Raudeberg. Alt vel.
Rett før
21.00 går eg i rorhuset igjen. Marius teke seg en strekk på
køya. Vi har no Olderveggen rett forut og vi ser Batalden
godt på styrbord. Plutseleg har vi mobildekning igjen og alle
nytter høvet til å ringje heim og seie at vi er begynt
å nærme oss. Det er likevel snart 4 timer seglas før
vi er fast ved kai. Per Kåre fortel at vi får 2 alternativ
å ta oss til imårå. Anten må vi klippe plena
eller so må vi måke snø. Rundt kl. 23.00 set
vi igjen og tek oss mat i messa. Her går det no på stumpane
både av brød og pålegg og dei siste må
derfor spe godt på med knekkebrød. Marius gjer ferdig
siste rest av engelskleksa si og er dermed klar til ny yrkedag imorgen.
10. mai 2010
2 nyvakna kare
blir køyrd på Westamaranen i Måløy rundt
kl. 0700. Shetlandstoktet med NYBAKK er dessverre slutt, men alt
har godt heilt etter plana; ned til minste detalj. Då båten
var gjort fast rundt kl. 02.00 igår, tok vi høgtideleg
farvel og takk for følgjet med alle som har vore med. Calle
vart sløkt og han gav seg over med nokre balanserte sukk
før det vart stilt. ALT VEL !
|