RSS

Oaggunlohpi

Olmmáivákki bivdiidsearvi vuovdá oaggunlobiid Olmmáivátetnui. Eanus sáhttá oaggut anadroma guliid geassemánu 15. b. rájes gitta borgemánu 17. b. rádjái. Olmmáiváteanus leat luossa, dápmot, guvžá, rávdu ja valas. Vilda luosaid ferte fas luoitit, dannego máddodat lea nu rašši. Johgáttis lea bálgát. Gaikkat geat leat máksán bivdiiddivvaga, sáhttet oastit oaggunlobi - ja dahket dan Statoilas dahe Jokeris Olmmáivákkis.
Hattit
Jándorlohpi 100 ru
Sesoŋgalohpi 600 ru
Sesoŋgalohpi MJFF-lahtuide 100 ru
Sesoŋgalohpi lahtuide Olmmáivákki olggobealde 300 ru

Mánát gitta 16 jagi ja nissonat oggot nuvttá Olmmáiváteanus!

Gaikkat fertejit máksit 100 ruvdnosaš depositum maid oažžu ruoktot go addá bivdoraporta dohko gos leat oastán oaggunlobi. Mánát gitta 16 jagi geat addet sisa bivdoraportta leat mielde dolgevuoggastávrra vuorbádeames!

FUOBMÁ! Gait oaggunbiergasiid FERTET desinfiseret OVDALGO atnet daid Olmmáiváteanus nu ahte  parasihtta Gyrodactylus Salaris ii leavaše Olmmáivátetnui. Desinfiseren máksá 50 ru ja dahkkojuvvo Statoilas Olmmáivákkis.

Oaggunnjuolggadusat

  1. Oaggunáigi lea geassemánu 15. b. bie. 00 gitta borgemánu 17. b bie. 24.
  2. Oaggunjándor lea bie. 18-18.
  3. Sotna- ja bassebeaiveráfáiduhttin bie. 6-18. Máksojuvvon lohpi ovdal basi joatkašuvvo bie. 18 rájes.
  4. Ii oaččo váldit guoli mii lea unnit go 30 cm! Gč. Luossabivdolága § 61.
  5. Sáhtát dušše atnit ovtta dolgevuokka go oaggu dolgevuokkain ja stávrrain.
  6. Ii leat lohpi oaggut gaskavahku bie. 18 rájes duorastaga bie. 18 rájdái.
  7. Ii gostege eanus leat lohpi oaggut dolgevuokkain ja deattuin.
  8. Geatnegahtton lea addit sisa bivdoraportta(id) maŋimustá čakčamánu 15. b.
  9. Geatnegahtton DESINFISERET gait bovdosiid mat leat leamaš iežá jogaid čázis. Gyrodactylus Salaris sáhttá leavvat. Desinfiserenstašuvdna lea Statoilas.
  10. Váldde vuhtii:
    1. Suodjal eatnogátti birrasa.
    2. Váldde vára vuovddi.
    3. Ále duolmma áiddiid.
    4. Váldde ruskkaid mielde.
  11. Njuolggadusaid rihkkun sáhttá mielddisbuktit váidima ja ahte oaggu manaha oaggunlobi ja bivdosiid. Bivdi galgá vuosihit gustojeaddji báhporiid go vuoigatvuođalaš, guollegoziheaddji dahe politiija dáhttu dan.
  12. Jahkečoahkkinmearrádus 2005: Vildaluosa galgá fas luoitit johkii, muhto váldojuvvo mielde bivdoraportii.

Sierra njuolggadusat bajásbeassaneasttagis

1.      Badjegorži. RÁFÁIDUHTTIN 50 m ráhpa badjebealde rájes gitta 50 m ráhpa vuolábeallái.

2.      Nuohttesava. RÁFÁIDUHTTIN: Jahkečoahkkinmearrádus ášši 13/2001. Jahkečoahkkin hálida guhkidit ráfáiduhttinsona maid Nuohttasavvonii, ja Ádjaga vuolábeallái.

3.      Fylkkamánne lea ráfáiduhttán Nuohttesavvona mearritkeahtes áigái. Rádji manná eanu rastá mearkkas mii lea Ádjaga buohta. Gč. § Luossabivdolága.

Del artikkelen |